Йилига 50 миллиондан зиёд йўловчига хизмат кўрсатган Дубай аэроузели дунёнинг энг яхши аэропорти деб топилди. Авиасаёҳатлар соҳасидаги нуфузли World Routes Marketing Award халқаро мукофоти ҳакамлар ҳайъати шундай қарорга келишди. Тадбир сайтида хабар қилинишича, мукофотни тақдим этиш маросими 22 сентябрь куни Жанубий Африка Республикасининг Дурбан шаҳрида бўлиб ўтди.
20-50 миллион йўловчига хизмат кўрсатувчи аэропортлар ичида мукофотни Копенгаген аэропорти қўлга киритди. Прага ҳаво дарвозаси эса йилига 4-20 миллион йўловчига хизмат кўрсатган энг яхши аэропорт сифатида тан олинди.

Копенгаген аэропорти

Кичик аэроузеллар (йилига 4 миллионгача йўловчи ташувчи) ичида ғолиблик Канаданинг Галифакс Стэнфилд аэропортига насиб этди.
Шунингдек, танловда дунёнинг энг яхши сайёҳлик ташкилоти ҳам аниқланди. Унга кўра, мазкур мукофот Ирландия вакилларига насиб этди.