Xabardor.uz: Тухум пўчоғи – кальций манбаи

Жамият 02 Октябрь 2015 13325

Тухум пўчоғи асосан кальцийдан, шунингдек, фосфор, темир, калий, магний ва кремний моддаларидан иборат бўлади. “Бу ҳақиқий хазина-ку!” – дейиши мумкин кимдир буни ўқиб. Худди шундай. Лекин бу хазинадан ҳамма ҳам фойдаланавермайди.

Тухум пўчоғи таркибидаги кальций организм томонидан тез ўзлаштирилади.

Канада, АҚШ ва венгриялик олимларнинг тадқиқотлари тухум пўчоғи таркибига кўра инсон суяклари ва тишларига жуда ўхшаш эканлигини исботлаган. Тухум пўчоғидан тайёрланган кукун кальций етишмовчилиги симптоми аниқланган ҳомиладор аёллар, болалар ва эркакларга ҳамда суяк синганида тавсия этилади.

Мунтазам равишда тухум пўчоғидан тайёрланган кукунни истеъмол қилиш:

  • Қон босими ва юрак уришини меъёрлаштиради;
  • Зарарли холестерин миқдорини камайтиради;
  • Моддалар алмашинувини меъёрига солади;
  • Остеопороз ривожланишининг олдини олади;
  • Қалқонсимон без касалликлари бошланишидан ҳимоя қилади;
  • Гастритни даволайди;
  • Қонни тозалайди;
  • Организмдан радионуклидларнинг чиқиб кетишини фаоллаштиради;
  • Болаларда рахит ва анемия ривожланишининг олдини олади;
  • Аллергияни даволайди;
  • Соч ва тирноқларнинг чиройли ўсишини таъминлайди;
  • Юздаги ҳуснбузарларни йўқотади;
  • Фойдали микроэлементлар етишмовчилиги сабабли юзага келадиган ички органлар касалликларини даволайди;
  • Жиғилдон қайнашини бартараф этади;
  • Асаб тизимининг меъёрида фаолият кўрсатишини таъминлайди.

Шуни англаш лозимки, тухум пўчоғи жиддий касалликларни даволовчи дори воситаси эмас, лекин у организмга касалликларни енгишда беминнат ёрдамчидир.

Тухум пўчоғидан кукун қандай тайёрланади?

Мутахассислар имкон борича уй тухумининг пўчоғидан фойдаланишни тавсия этадилар.

Хом тухум пўчоғи 

Тухумни чақиб, ичини бўшатинг, пўчоқдаги пардани олиб ташланг, сўнгра уни ювинг ва 5 дақиқа давомида қайнатинг. Кейин эса пўчоқни 5-6 соат давомида қуритинг ва яхшилаб туйиб кукун тайёрланг.

Кукунни қуруқ ва қоронғи жойда оғзи яхшилаб беркитилган шиша идишда сақланг.

Қайнатилган тухум пўчоғи

Қайнатилган тухум пўчоғининг самараси пастроқ ҳисобланади, лекин у ҳам фойдали. Дарвоқе, кукун тайёрлаш учун фақат товуқ ва бедана тухумидан фойдаланиш лозим, ғоз ва ўрдак тухумлари пўчоғида инфекция уйғотувчилар бўлиши эҳтимоли юқорилиги учун улардан фойдаланиш тавсия этилмайди.

Қабул қилиш

7 ёшли болаларга бир кунда бир маҳал ярим чой қошиқ кукун бериш мумкин. 14 ёшдан ошган болалар ва катталарга эса бир кунда 1-2 чой қошиқ кукун қабул қилиш тавсия этилади.

Лимон шарбати ва тухум пўчоғи кукуни аралашмаси жудаям фойдали. Бу аралашма диатез симптоми ва аллергияни бартараф қилади.

Манба: xabardor.uz

Кун янгиликлари
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 72202 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 37459 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 21722 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 81757 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 62054 Жамият
Forbes: Бой бўлишдан уялмаган Малкольм Форбс
01:13 2196 Lifestyle
Зидан ҳеч қандай музокараларсиз «Реал» билан шартномани узайтиради
00:53 1486 Спорт
Бразилияда бортида 70 киши бўлган паром чўкиб кетди
00:20 1228 Жаҳон
Германиядаги йўл-транспорт ҳодисасида 44 руминиялик жабрланди
00:17 506 Жаҳон
Шаҳзодалар Уильям ва Ҳарри “Юлдузли жанглар” фильмининг янги қисмида суратга тушишди
23:44 / 23.08.2017 891 Маданият
Кўпроқ янгиликлар