Бразилиянинг энг бадавлат кишиларидан бири Жорже Паулу Леманн америкаликларнинг Coca-Cola компаниясини сотиб олишни ва унинг барча ходимларини ишдан бўшатишни орзу қилмоқда. Бу ҳақда Business Insider хабар берган.

Айни вақтда Леманн Burger King, Kraft, Stella Artois ва Heinz компанияларига эгалик қилиб турибди.

У Coca-Cola компаниясини ҳам ўз тасарруфига олиш тўғрисида жиддий қизиқиш билдирмоқда. Компания нархи 178,2 млрд долларга баҳоланган.

"Биз Coca-Cola`ни хоҳлаймиз. Менимча, бу компанияни 200 киши ишлаган ҳолда ҳам бошқара оламан", деган у ҳазиломуз оҳангда.

Айни вақтда Coca-Cola компаниясида 100 мингдан ортиқ киши ишлайди.

Нашрнинг ёзишича, 76 ёшли миллиардер одатда янги сотиб олган компанияларида оммавий равишда ишдан бўшатишларни амалга оширишни маъқул кўради.