АҚШ Россия билан Сурия келажаги сабабли можароларга боришни хоҳламайди, дея маълум қилди Давлат департаменти вакили Жон Кирби брифинг чоғида. Бу ҳақда РИА «Новости» хабар қилди.

АҚШ ва Россия ташқи сиёсат муассасалари раҳбарлари 8 октябрь куни телефон орқали Сурия ва Украинадаги ҳодисаларни муҳокама қилишди.
“Сурия келажаги сабабли тўғридан-тўғри ёки билвосита Россия билан можарога боришни ҳеч ким истамайди. Шунинг учун давлат котиби сиёсий йўл билан боришга ҳаракат қилаяпти ва шунинг учун Ташқи ишлар вазири Лавров билан мулоқот ўрнатишни қўллаб-қувватлайди”, - деди Кирби.

Бундан аввалроқ эса Оқ уйнинг расмий вакили Жош Эрнест Суриядаги вазият АҚШ ва Россия ўртасида кенг кўламли қарама-қаршиликларга олиб бормаслигини айтиб ўтган эди.