Саудия Арабистонининг Европанинг нефть бозорига чиқиши Россияда “жуда кучли рақобатга” мисол деб аталди. Бу ҳақда Россия энергетика вазири Александр Новак айтиб ўтди, деб хабар бермоқда Reuters ахборот агентлиги.

“Бизда глобал даражадаги нефть бозорлари бор. Исталган давлат қаерга лозим деб топса ўша ерга нефть сотади. Бу рақобат, ҳозир жуда кучли рақобат кетмоқда”, деб таъкидламоқда Новак.

Саудия Арабистони сентябрь бошидаёқ Польшага Гданьск порти орқали нефть етказиб бера бошлаган. Европа Россия нефти учун муҳим минтақадир, бироқ маълумотларга кўра, Россия бу бозорда Яқин Шарқ, жумладан Саудия Арабистонидан келаётган арзон нефть сабабли ўз мавқеини йўқотмоқда.