Ўзбекистон меҳнат ва аҳолини ижтимоий муҳофаза қилиш вазири Азиз Абдуҳакимов Плеханов номидаги Россия иқтисодиёт университетининг филиали ректори Қаландар Абдураҳмонов билан учрашув ўтказди. Бу ҳақда вазирликнинг Facebook’даги саҳифаси орқали хабар қилинди.

Айтилишича, учрашув чоғида ректор Азиз Абдуҳакимовга “Плеханов номли РИУ филиалига 20 йил” медалини ҳадя қилган. Маросим якунида улар ўртасида суҳбат ўтказилган.
Суҳбат чоғида меҳнат вазири иқтисодий соҳада юқори малакали кадрлар етиштиришда олий таълим тизимининг ўрни муҳимлигини таъкидлаб ўтган.

Шунингдек, вазирлик томонидан ишлаб чиқилаётган қонунчилик базаси экспертизасида университет мутахассисларининг иштироки борасида келишувга эришилган.