Ўзбекистонда 2015 йилда 3,3 трлн сўмлик қурилиш материаллари ишлаб чиқарилди

Иқтисодиёт 26 Октябрь 2015 2206

Ўзбекистонда қурилиш материаллари ишлаб чиқарувчи корхоналар томонидан 2015 йилнинг январ-сентябрь ойларида жами 3388,1 млрд сўмлик маҳсулотлар ишлаб чиқарилиб, бу кўрсаткич бўйича ўтган йилнинг тегишли даврига нисбатан 115,9 фоизга ўсишга эришилди.

Давлат статистика Қўмитаси матбуот хизматининг ёзишича, бугунги кунда тармоқда ишлаб чиқарилган маҳсулотнинг умумий саноат ҳажмидаги улуши 5,4 фоизни ташкил этмоқда.

Йирик саноат корхоналари томонидан, ўтган йилга нисбатан бир қатор маҳсулот турларини ишлаб чиқариш ҳажмларининг оширилишига эришилди, жумладан ишлов берилган мармар, травертин, алебастр ва улардан тайёрланган буюмлар – 29,3 фоизга, каолин – 4,3 мартага, листланган шиша – 1,4 мартага, қурилиш учун ўтга чидамсиз керамик ғиштлар – 17,3 фоизга, томга ёпиш учун керамик черепица – 6,7 фоизга, йўл қопламалари учун асфалтли аралашмалар ишлаб чиқариш ҳажми – 8,0 фоизга ошди.

Қурилиш материаллари ишлаб чиқарувчи корхоналар томонидан 2014 йилнинг тегишли даврига нисбатан портландтцемент ишлаб чиқариш– 13,6 фоизга, гипс ишлаб чиқариш – 10,3 фоизга, шағал – 7,8 фоизга, оҳактош – 41,7 фоизга, товар бетон – 2,3 мартага, қурилиш учун қоришмалар ва аралашмалар ишлаб чиқариш – 2,0 мартага ўсган.

Қурилиш материаллари ишлаб чиқариш ҳажмининг асосий қисми Навоий (тармоқнинг умумий ҳажмига нисбатан 20,7 фоиз), Тошкент (20,4 фоиз), Фарғона (12,9 фоиз) вилоятлари ва Тошкент шаҳри (11,3 фоиз) корхоналари ҳиссасига тўғри келмоқда.

Кичик тадбиркорликни қўллаб-қувватлаш бўйича амалга оширилган чора-тадбирлар, кичик бизнес субъектлари томонидан ишлаб чиқарилган маҳсулотлар ҳажмининг ўсишига олиб келмоқда (ўсиш суръати ўтган йилнинг тегишли даврига нисбатан 128,6 фоизни ташкил этди, тармоқнинг жами саноат ҳажмидаги улуши эса 50,9 фоизга етди).

Маълумот ўрнида таъкидлаб ўтиш жоиз, ҳозирги пайтда Ўзбекистонда 5040та қурилиш материаллари ишлаб чиқарувчи корхоналар фаолият кўрсатаётган бўлиб, улардан 604 таси 2015 йилда янги ташкил қилинган корхоналар ҳисобланади.

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 28239 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 15065 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 56178 Жамият
«Ўзбекистон ҳаво йўллари» Украина банки сабаб ярим миллион долларсиз қолди
Пекин Вашингтонни Хитой компанияларга қарши санкцияларни бекор қилишга чақирди
00:40 1158 Жаҳон
Reuters: АҚШ Мисрга ҳарбий ёрдам бермайдиган бўлди
00:34 1013 Жаҳон
Эндиликда бутун маҳалла эмас, фақат қарздор истеъмолчи электр энергиядан маҳрум қилинади
00:23 3608 Жамият
Германияда Трамп боши шаклидаги гиёҳванд моддали таблеткалар аниқланди
00:21 986 Жаҳон
Сербия Ҳиндистон ва Эрон фуқаролари учун визани бекор қилди
00:18 915 Жаҳон
Суриянинг Хама вилоятига ҳаводан зарба берилиши оқибатида 50 киши ҳалок бўлди
00:06 1250 Жаҳон
Кўпроқ янгиликлар