Учинчи чорак ҳисоботи: Жиззах вилоятида ЯҲМ ҳажми 8,9 фоизга ўсди

Ўзбекистон 29 Октябрь 2015 1951

Жиззахда 2015 йилнинг тўққиз ойида вилоятни ижтимоий-иқтисодий ривожлантириш якунлари ва энг муҳим устувор вазифалар ижросини таъминлаш чора-тадбирлари муҳокамасига бағишланган фаоллар йиғилиши бўлиб ўтди.

Ҳисобот даврида вилоятда ялпи ҳудудий маҳсулот ишлаб чиқариш 8,9 фоиз, жумладан, саноат маҳсулотлари ишлаб чиқариш 13,7, қишлоқ хўжалиги маҳсулотлари етиштириш 6,8, қурилиш ишлари 11,1, чакана товар айланмаси 19,3 фоизга ўсгани қайд этилди.

Ўзбекистон президентининг 2015 йил 15 майдаги “Хусусий мулк, кичик бизнес ва хусусий тадбиркорликни ишончли ҳимоя қилишни таъминлаш, уларни жадал ривожлантириш йўлидаги тўсиқларни бартараф этиш чора-тадбирлари тўғрисида”ги фармони тадбиркорлар учун имкониятларни янада кенгайтиришда муҳим дастуриламал бўлаётгани алоҳида таъкидланди. Ушбу ҳужжат ижросини таъминлаш юзасидан амалга оширилган чора-тадбирлар натижасида 959 кичик бизнес субъекти ташкил этилди. Уларнинг ялпи ҳудудий маҳсулотдаги улуши 81,6 фоизга етди.

Кичик бизнес субъектларини молиявий қўллаб-қувватлаш мақсадида тижорат банклари томонидан 284,7 миллиард сўм, жумладан, саноат соҳасини ривожлантириш учун қарийб 58 миллиард сўм кредит ажратилди. Натижада саноат соҳасида 172, қишлоқ хўжалигида 618, хизмат кўрсатиш соҳасида 638 лойиҳа амалга оширилди.

Маҳаллийлаштириш дастури доирасида 5 корхонада 44,6 миллиард сўмлик маҳсулотлар ишлаб чиқарилди.

Йилнинг ўтган даврида намунавий лойиҳадаги уй-жойлар қуриш бўйича Давлат дастури асосида 15 массивда 234 янги уй-жой қурилиши якунланди. Янги массивларда 19 километр электр, 22,9 километр табиий газ, 22,6 километр ичимлик суви узатиш тармоқлари, 8 бозор ва бошқа ижтимоий иншоотлар қурилиши белгиланган режа асосида давом эттирилди.

Бандлик дастурига асосан 40 мингдан ортиқ янги иш ўрни яратилди. 15 минг 883 нафар касб-ҳунар коллежи битирувчиси иш билан таъминланди.

Жиззах вилояти фаоллари йиғилишида Ўзбекистон Республикаси Бош вазирининг ўринбосари Б.Ҳодиев сўзга чиқди.

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 29636 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 16020 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 63920 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 56939 Жамият
Ҳиндистонда йўловчи поезди вагонлари рельслардан чиқиб кетди, жабрланувчилар кўп 
09:19 22 Жаҳон
Демократлар Трампнинг эҳтимолий рақобатчилари ҳақида маълум йиғмоқда
09:11 41 Жаҳон
Аргентина олий суди собиқ президентга қарши давлатга хиёнат бўйича терговни қўллаб-қувватлади
09:09 250 Жаҳон
Мексика жанубида тутқунликдаги 37 нафар гватемалик муҳожир озод қилинди
09:04 94 Жаҳон
McDonalds Ҳиндистондаги 170 га яқин ресторанини ёпади
08:57 962 Жаҳон
Пентагон раҳбари Украинага келмоқда: қандай ўзгаришлар кутилмоқда?
08:51 638 Жаҳон
Кўпроқ янгиликлар