Остона шаҳри пойтахтга айлантирилиб, қайта қурилганидан буён унга 100 млрд доллар инвестиция киритилди. Бу ҳақда Қозоғистон бош вазири Карим Масимовнинг расмий сайти орқали хабар қилинди.

Шаҳар ҳокими Одилбек Жақсибеков Astana Invest 2015 IV Халқаро инвестицион форумида таъкидлаб ўтганидек, шу давр ичида шаҳарда 16 млн кв м уй-жой истеъмолга киритилди. Остона шаҳри аҳолиси 3 баробарга, минтақавий ялпи маҳсулот ҳажми 65 баробарга, ишлаб чиқариш ҳажми 17 баробарга кўпайди.

Шу билан бирга, шаҳар раҳбари ҳали инвестиция киритиш учун соҳалар кўплигини ва бу йўналишдаги ишлар давом эттирилишини таъкидлаб ўтди.