Жиззах шаҳрида аҳолининг маданий ҳаётини таъминлаб берадиган мақбул инфратузилмалар мавжуд эмас, деб ҳисобламоқда 2016-2024 йилларда мазкур шаҳарнинг ижтимоий-иқтисодий ривожлантириш стратегияси лойиҳасини ишлаб чиққан мутахассислар.

“Мавжуд истироҳат боғлари режалаштириш сифатининг пастлигидан азият чекмоқда, яқинда фойдаланишга топиширилган аквапаркда эса сув мутлақо мавжуд эмас. Аксарият кинотеатрлар фаолият кўрсатмаяпти”, - дея тасдиқламоқда ҳужжатни ишлаб чиққанлар.

Жиззах вилояти ҳокимияти маълумотига кўра, айни пайтда Жиззах шаҳрида 2 театр, 2та кинозал, 3та истироҳат боғи, 1 музей, кўзи ожизлар учун 1 кутубхона ва 1та клуб фаолият олиб бормоқда. Шунингдек, шаҳарда 256та спорт объекти мавжуд бўлиб, уларнинг 37таси баскетбол, 57таси волейбол, 33таси футбол майдонлари ҳисобланади.

47та ёпиқ спорт иншооти, 2та футбол стадиони ва 4та сузиш ҳавзаси, 1 манеж, 15та теннис корти ҳамда 2та гимнастика зали ишлаб турибди.
47,2 фоиз мактаб ёшидаги болалар турли спорт машғулотларида қатнашмоқда.

манба 12news.uz