Фавқулодда вазиятлар вазирлигига янги авария-қутқарув автомобиллари топширилди

Ўзбекистон 07 Ноябрь 2015 2703

Ўзбекистон Республикаси Фавқулодда вазиятлар вазирлигининг Фуқаро муҳофазаси институтида янги авария-қутқарув автомобиллари ва ускуналарини тантанали топшириш маросими бўлиб ўтди, деб хабар беради «ЎзА».

Тадбирда Ўзбекистон Республикаси Фавқулодда вазиятлар, Ички ишлар, Соғлиқни сақлаш вазирликлари ходимлари, Вазирлар Маҳкамаси ҳузуридаги Гидрометеорология хизмати маркази, Давлат геология ва минерал ресурслар қўмитаси, Тошкент шаҳар ва вилояти ҳокимликлари мутахассислари, журналистлар иштирок этди.

Фавқулодда вазиятлар вазирлиги хизматлари ва бўлинмаларини замонавий техник восита ва ускуналар, шунингдек, Ўзбекистонда ишлаб чиқарилган автомобиль техникаси билан таъминлаш бу борада олиб борилаётган ишларнинг муҳим йўналишларидан биридир. Бу эса, ўз навбатида, уларнинг фаолияти самарадорлигини янада оширишга хизмат қилмоқда.

Шу муносабат билан мамлакатда MAN ва Isuzu автомобиллари шассиси негизида авария-қутқарув машиналарини ишлаб чиқариш йўлга қўйилди. 2011 йилда дастлабки шундай автомобиллар қутқарув отрядлари ихтиёрига берилди. Ўтган вақт мобайнида мазкур автомобиллар олис аҳоли пункти ва туманларида ҳаво ҳарорати юқори ва паст даражада бўлган ҳолатларда ҳам ишлашга қодирлиги ва ишончлилигини намоён этди. Айни пайтда вазирлик ходимлари томонидан фойдаланилаётган автомобилларнинг 60 фоизи Ўзбекистонда ишлаб чиқарилган. Жорий йилда Хоразм, Самарқанд ва Бухоро вилоятлари, шунингдек, Тошкент шаҳар фавқулодда вазиятлар бошқармаларига Isuzu авария-қутқарув машиналари, «Қамчиқ» қидирув-қутқарув отрядига 50 тонна қувватга эга MAN эвакуатори топширилди.

Тадбирда янги ускуналар ва ихтисослаштирилган автотранспорт воситаларининг имкониятлари намойиш қилинди.

Кун янгиликлари
Ўқишга кира олмадингизми? Ташвишланманг, талаба бўлишингиз мумкин 
16:32 / 17.08.2017 38647 Жамият
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 14106 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 90953 Ўзбекистон
Кекса немис Исландияга эски тракторда саёҳатга жўнади
ОАВ: МРБ Испанияда теракт тайёрланаётганидан огоҳлантирган
23:46 / 17.08.2017 471 Жаҳон
Янги ўқув йилида олий ўқув юртларида ўқиш учун контракт пули ошмайди
23:30 / 17.08.2017 2331 Ўзбекистон
Йўқолган никоҳ узук 13 йил ўтиб сабзида топилди
23:25 / 17.08.2017 3319 Жамият
Барселонадаги теракт гумондорлари қўлга олинди
23:20 / 17.08.2017 1495 Жаҳон
Хайрулла Нуриддинов МТРК раиси  ўринбосарлигидан кетди
23:15 / 17.08.2017 3701 Ўзбекистон
Фото: Австралияда дунёдаги энг кучли қуёш электростанцияси қурилади
23:10 / 17.08.2017 674 Технология
Кўпроқ янгиликлар