Мамлакатимизда аҳолига жаҳон андозалари даражасида, юқори тиббий технологиялар воситасида бирламчи тиббий-санитария ёрдамидан тортиб, ихтисослаштирилган тиббий хизмат кўрсатишгача бўлган бўғинни қамраб олувчи мукаммал тизим туфайли аҳолининг ўртача умр кўриш кўрсаткичи узайди. Оналар ва болалар ўлими кескин камайди.

Республикамизда соғлиқни сақлаш тизимида эришилаётган улкан ютуқлар жаҳон ҳамжамияти эътирофига тушди. Ўзбекистоннинг "Соғлом она – соғлом бола" миллий модели бошқа мамлакатларга намуна сифатида тавсия этилгани бунга ёрқин мисол бўла олади.

Президентимиз Ислом Каримов ташаббуси билан 2006 йил 12 сентябрда қабул қилинган «Ўзбекистон Республикаси Тиббиёт ходимлари кунини белгилаш тўғрисида»ги қонунга мувофиқ мамлакатимизда ҳар йили ноябрь ойининг иккинчи якшанбаси тиббиёт ходимлари байрами сифатида кенг нишонланиб келмоқда. Бу ушбу соҳа вакилларининг меҳнати юртимизда юксак қадрланаётганига ёрқин мисол бўла олади.

Шу муносабат билан Kun.uz сайти ходимлари барча тиббиёт ходимларини касб байрамлари билан муборакбод этади. Ўзларининг машаққатли, шу билан бирга, шарафли ишлари билан халқимиз корига, саломатлиги йўлида жон чекиб қилаётган меҳнатлари бундан-да юксак эътирофларга сазовор бўлсин.