2016 йилнинг 1 январидан Ўзбекистонда давлат бошқаруви ва ҳокимияти органлари фаолияти очиқлиги даражасини мониторинг қилиш ва баҳолаш тизими ишга туширилади. Бу ҳақда ҳукуматнинг “Ўзбекистон Республикасининг “Давлат ҳокимияти ва бошқаруви органлари фаолиятининг очиқлиги тўғрисида”ги қонуни ҳолатларини амалга оширишга йўналтирилган комплекс чора-тадбирларни амалга ошириш тўғрисида”ги қарорида айтилди.

Ҳужжатда ушбу тизимни ишга тушириш учун зарур бўлган чора-тадбирлар рўйхати белгилаб берилган. Уларни бажаришга масъул сифатида “Давлат ҳокимияти ва бошқаруви органлари фаолиятининг очиқлиги тўғрисида”ги қонунга мувофиқ ташкил этилган давлат ҳокимияти ва бошқаруви органлари фаолияти очиқлигини таъминлаш бўйича мувофиқлаштириш ва мониторинг қилиш жамоат кенгаши кўрсатилган.
Ушбу жамоат ташкилоти чора-тадбирлар режасини ишлаб чиқиб, шунга мувофиқ белгиланган муддатда уларни амалга ошириши кўзда тутилган.