Ҳурматли ўқувчилар, эътиборингизга 17 ноябрь куни рўй берган энг асосий янгиликларни такроран ҳавола этамиз.

Покистон бош вазири Муҳаммад Навоз Шариф Ўзбекистонга келди>>

Покистон Ислом Республикаси Бош вазири Муҳаммад Навоз Шариф Ўзбекистон Республикаси Президенти Ислом Каримовнинг таклифига биноан Ўзбекистонга расмий ташрифини бошлади.

Осиё тараққиёт банки Наманган вилоятида каналлар қурилишини молиялаштиради>>

Осиё тараққиёт банки томонидан молиялаштирилаётган, Ўзбекистоннинг Фарғона водийсида 2016-2018 йилларда каналларни реконструкция қилиш ва қуриш лойиҳасининг иккинчи босқичи доирасида Наманган килояти Янгиқўрғон туманидаги 27,5 километрлик Ён канали ва 14 километрлик Газнон каналлари тўлиқ реконструкция қилинади.

Беларусь Ўзбекистонга зирҳли машиналар йиғишни таклиф қилмоқда>>

Беларуснинг “140-таъмир заводи” Ўзбекистонга зирҳли машиналар йиғиш, шунингдек, ҳарбий техникага хизмат кўрсатишни таклиф қилди. Бу ҳақда яқинда Тошкентга келиб кетган корхона делегацияси вакилига таянган ҳолда Sputnik агентлиги хабар қилмоқда.

Тошкентда Кичик грантлар дастури муҳокама қилинди>>

2015 йил 16 ноябрь куни Тошкентдаги Grand Mir Hotel меҳмонхонасида Глобал экологик жамғарманинг Кичик грантлар дастурига оид мамлакатларга бўйича дастурий стратегияси ҳолатлари муҳокамасига бағишланган тадбир ўтказилди. 

Ўзбекистонда антибиотиклар ҳақида хабардорлик куни нишонланади>>

Жорий йилнинг 18 ноябрь куни соат 9:00да “Пойтахт” бизнес-марказида Антибиотиклар ҳақида хабардорлик кунига бағишланган матбуот анжумани бўлиб ўтади.

Тошкентда 10 ёшли қизалоқ бастакор, пианист ва дирижёр сифатида концерт қўйди>>

14 ноябрь куни Ўзбекистон давлат консерваториясида 10 ёшли иқтидор эгаси Жаннат Ҳусейнзоданинг яккахон концерт дастури бўлиб ўтди.

Тошкент шаҳридаги КОICA Касб-ҳунарга ўқитиш марказига қабул ҳақида эълон қилинди>>

“Ўзбекистонда касб-ҳунарга ўқитиш имкониятини ривожлантириш” лойиҳаси доирасида Корея Халқаро ҳамкорлик агентлиги (КОICA) иштирокида Тошкент шаҳрида ташкил этилган Касб-ҳунарга ўқитиш марказига ишсиз фуқаролар касб-ҳунарга ўқитиш (касбга тайёрлаш, қайта тайёрлаш) учун қабул қилинади.

Ўзбекистонда Жанубий Корея нодавлат ташкилоти фаолиятидан хавотир билдирилмоқда>>

Ўзбекистонда Жанубий Кореянинг Осиё маданият ва тараққиёт институтининг Тошкентдаги ваколатхонаси фаолиятидан хавотир билдирилмоқда.

Ўзбекистон ТИВда дипломатик хизматнинг янги раҳбари тайинланди>>

Ўзбекистон Ташқи ишлар вазири Абдулазиз Комилов вазирликнинг Дипломатик хизматлар бўлимига («Дипхорижхизмат») янги раҳбар тайинлади.

Самарқандда расман олинмаган 42 нафар лицей ўқувчилари 3-курсда ўқишда давом этмоқда>>

Мана уч йилдирки, СамДУ қошидаги биринчи академик лицейда расман ўқишга кира олмаган 42 нафар ўқувчи таҳсил олишда давом этмоқда. Улар дарсларга қатнайди, рейтинг дафтарига эга, имтиҳонларни топширади, улар аллақачон учинчи курсда таълим олмоқда.

Ўзбекистон глобал террорчилик рейтингида 124-ўринни эгаллади>>

Лондонда жойлашган Иқтисодиёт ва тинчлик институти (The Institute for Economics and Peace) томонидан ҳозирланган Глобал террорчилик рейтингида Ўзбекистон 162 давлат ичида 124-ўринни эгаллади. Тадқиқот натижалари институтнинг сайтида эълон қилинди.

Ўзбекистонда халқаро "Бағрикенглик куни" нишонланди>>

“16 ноябрь—Халқаро бағрикенглик куни”. Ушбу сана муносабати билан Ўзбекистон Республикаси Вазирлар Маҳкамаси ҳузуридаги Тошкент Ислом университетида Дин ишлари бўйича қўмита ва ЮНЕСКОнинг Ўзбекистондаги ваколатхонаси ҳамкорлигида “Конфессиялараро мулоқот ва диний бағрикенглик—жамият барқарорлиги гарови” мавзуида халқаро илмий-амалий анжуман ўтказилди. 

Ўзбекистонлик қандолатчилар маҳсулотларини қадоқлашда қийинчиликларга дуч келишаётганини айтишмоқда>>

Айни пайтда ўзбекистонлик қандолатчилар маҳсулотларини қадоқлаш ва ўрашда (упаковкалашда) қийинчиликларга дуч келишмоқда, деб айтди яқинда бўлиб ўтган соҳа вакиллари матбуот-анжуманида Ўзбекистон озиқ-овқат саноати корхоналари уюшмаси вакили.

Ўзбекистон мусулмонлар идораси Париждаги терактларни қоралади>>

Ўзбекистон мусулмонлар идораси раиси ўринбосари шайх Абдулазиз Мансуров хорижий ОАВга берган интервьюсида Парижда содир этилган терактларни кескин қоралади.