Украина президенти Пётр Порошенко бошқа давлатлар ҳарбийларининг Украинага киритилишига рухсат берувчи қонунни имзолади. Бу ҳақда Порошенко сайтида маълум қилинди.

“Президентнинг 2015 йил 6 ноябрдаги фармонига кўра, бизнинг давлатга кўп миллатли ўқув машғулотларида иштирок этиш учун 2015 йилнинг ноябрь-декабрь ойлари 61 кунлик муддатга АҚШ, НАТОга аъзо бошқа давлатлар ва “Тинчлик учун шериклик” дастури иштирокчи давлатлари қуролли кучларининг бўлинмалари киритилишига рухсат берилади”, дейилмоқда хабарда.

Таъкидланишича, қонун Украина конституциясида белгиланган тартиботларни бажариш учун қабул қилинган ва чоп этилган кундан бошлаб кучга киради.