2015 йилнинг 10-15 ноябрь кунлари Томск вилояти делегацияси Ўзбекистонда бўлди, дея хабар бермоқда Россиянинг Тошкентдаги элчихонаси.
Делегация таркибидан Россия Федерациясининг «НПО «НИКОР» ЁАЖ, «Биолит» МЧЖ, «Медико-экологический центр «Дюны» МЧЖ каби тиббиёт муассасалари вакиллари ўрин олди.

Ўзбекистон Республикаси ва Савдо-саноат палатасида Томск вилояти муассасаларининг маҳсулотлари презентацияси ва «Ўзфармсаноат» АК, РВЭП «Ўзмедэкспорт» УК, «Ўзтибтехника» МЧЖ, «Дори-Дармон» АК, Ўзбекистон озиқ-овқат саноати корхоналари ассоциацияси билан музокаралар ўтказилди.

Музокаралар натижасига кўра Россия ва Ўзбекистон тадбиркорлари ўртасида ҳамкорлик бўйича бир қатор келишувларга эришилди.