Париждаги терактлардан кейин 52 фоиз британияликлар Буюк Британиянинг Европа Иттифоқи таркибидан чиқиб кетишини исташмоқда, деб ёзмоқда The Independent нашри нолябрда ўтказилган сўровнома маълумотларига иқтибос келтирган ҳолда.

Таъкидланишича, шунга ўхшаш сўровномалар июнь, июль ва сентябрда ўтказилганда кўпчилик британияликлар Европа Иттифоқида қолишни исташган. Ўтган ойда ОАВлар миграция инқирози сабабли юзага келган муаммоларни батафсил ва кенг ёритишни бошлашгандан кейин Европа Иттифоқида қолишни истовчи британияликлар 53 фоизгача қисқарди.

Мақола муаллифининг таъкидлашича, ноябрда ўтказилган тадқиқот авлодлар ўртасидаги улкан тавофутни намойиш қилди. 18-24 ёшдагиларнинг 69 фоизи ЕИда қолишни исташмоқда, 65 ёшдан катталар орасида эса бу кўрсаткич 38 фоизни ташкил қилган.

Ўтказилган тадқиқотга кўра, Шотландия ва Уэльсда Европа Иттифоқида қолишни истовчилар кўпроқни ташкил қилмоқда.

Кент университети профессори Мэттью Гудвиннинг фикрича, айнан Европадаги миграция инқирози ва муҳожирлар борасида жамоатчилик орасидаги мунтазам хавотир британияликлар ўртасида ЕИ таркибидан чиқиш истаги пайдо бўлишига туртки бўлган.