АҚШ қуролли кучлари томонидан Афғонистоннинг Кундуз шаҳридаги “Чегарасиз шифокорлар” касалхонасига авиазарбалар берилиши инсон хатоси сабабли рўй берган, дея ёзмоқда The New York Times Пентагон 25 ноябрь куни эълон қилиши лозим бўлган ҳисоботга асосланган ҳолда.

Пентагондаги юқори мансабли амалдорнинг сўзларига кўра, мазкур авиазарба амалга оширилишига таъсир кўрсатган омиллардан бири - белгиланган нишонларнинг оғзаки баён этилгани бўлган. Қайд этилишича, зарбалар берган самолёт экипажи нишонга зарбалар беришдан олдин ускуналар тақдим этган маълумотларга ишонишмаган.

Шу сабабдан ердаги афғон ва америкалик ҳарбийларнинг жой ҳақидаги оғзаки тавсифларига таянишга тўғри келган.
Бундан аввалроқ эса Қундуздаги госпиталга уюштирилган ҳужум қурбонларининг сони 30 нафарга етгани ҳақида хабар қилинган эди.