Россия ТИВнинг расмий вакили Мария Захарова брифинг вақтида Туркия ҳарбийлари томонидан Су-24 учувчилари чегарани бузишганидан огоҳлантиришгани далили сифатида келтирилган аудиоёзувни монтаж сифатида баҳолади.

"Интернетда турли шунга ўхшаш аудиоёзувлар бўлади, баъзилари қизиқарли, баъзилари кулгули, аралашлари ҳам бор. Бизга кўрсатилган навбатдаги ролик эса шедевр бўлди. Билмадим, буни қанча вақт (кун) керак бўлган экан? Ахир унинг муҳимлиги ва қадрлилига аён. Умуман олганда, мен бу ҳақда гапиришни ҳам истамайман. Ҳозир бундай нарсаларга ишонадиган вақт эмас", деган Захарова.

Эслатиб ўтамиз, 24 ноябрь куни тонгда Туркия—Сурия чегарасида Суриядаги ҳарбий операцияда иштирок этаётган Россиянинг Су-24 самолёти уриб туширилди. Туркиянинг таъкидлашича, самолёт мамлакат ҳаво кенгликларини бузиб ўтган.

Россия Мудофаа вазирлигининг қайд этишича, Россия самолёти Туркия ҳудудига кирмаган.

Бугун Туркия ҳарбийлари Су-24 уриб туширилишидан олдин учувчиларни огоҳлантиргани аудиоёзуви намойиш қилинганди.

Бундан олдинроқ, Су-24 самолётининг тирик қолган штурмани Константин Мурахтин турклар самолётни огоҳлантирмасдан уриб туширгани ҳақида айтганди. У бу ҳудудни "беш қўлдай" билишини қўшимча қилиб ўтган. Лекин Россия самолёти Туркия чегарасига 1 сонияга ҳам кирмаганини таъкидлаган.