Туркия Россия атташесига ОАВларда турк самолёти F-16 экипажи билан Россиянинг Су-24 самолёти учувчилари ўртасидаги аудиомузокараларни тарқатмаганини маълум қилди. Бу ҳақда Мудофаа вазирлиги расмий вакили Игорь Конашенковга иқтибос келтирган ҳолда РИА “Новости” ахборот агентлиги хабар бермоқда.

“Туркия бош штабининг вакиллари ОАВларда бунга ўхшаш қандайдир материалларни тарқатмаганини маълум қилдилар. Ундай бўлса, бу баъзи ОАВларда пайдо бўлган турк учувчиларининг бизнинг экипаж билан музокараларининг аудиоёзуви қалбаки эканлигининг яна бир исботидир. Яна номаълум манба ёки қандайдир радиоҳаваскорларга иқтибос келтирилмоқда”, деб айтди Конашенков.

Аввалроқ Россия ТИВ вакили Мария Захарова матбуот-анжуманида турк томонидан тарқатилган Су-24 самолётига огоҳлантириш қайд қилинган ёзув монтаж қилинганини маълум қилганди.