Боливия президенти Эво Моралес Парижда бўлиб ўтаётган БМТнинг иқлим бўйича анжуманида иқлим ўзгаришлари муаммолари учун жавобгарликни “капиталистик тизим” зиммасига қўйди ва барча мамлакатларни Ер сайёрасини қутқариш бўйича зудлик билан чоралар кўришга чақирди.

“Она Еримизнинг йўқ бўлиб кетишига хавф солаётган иқлим ўзгариши атрофидаги фожиали вазият бўйича хавотиримизни билдириш учун учрашишимиз керак. Барча ҳукуматлар, айниқса капиталистик давлатлар сайёрамизни барбод қилишни зудлик билан бас қилиши керак”, деб айтди Моралес.

Моралес “бозор эркинлиги ва инсон ҳуқуқлари номидан барбод қилувчи кучни кўтарган” капиталистик тизимни қаттиқ танқид остига олди. “Бу тизим истеъмолнинг улкан ўсишига олиб келди, бу эса ҳозир табиат ва инсоннинг биргаликда мавжудлигини барбод қилмоқда. Капитализм охирги икки аср давомида бутун савдони фақатгина баъзи бир сараланганлар фойдасига айлантириб, инсониятнинг яксон қилувчи формуласини яратди, киритди ва ўз фойдасига ишлатмоқда”, деб таъкидламоқда Моралес.

“Табиат эксплуатация предметига айланмоқда. Эгоизм ва ҳаддан ташқари истеъмол дунё ҳамжамиятини йўқ қилмоқда, агар биз капитализм йўлидан кетишда давом этсак, биз йўқ бўлиб кетишга маҳкуммиз”, деб айтмоқда капиталистик тизим ва жамиятнинг ғарб моделининг дунёдаги бош танқидчиларидан бири Моралес.

30 ноябрда 180 тадан кўп давлат вакиллари Париждаги учрашувда 1997 йилдаги Киото баённомаси ўрнига келувчи иссиқхона газларининг атмосферага чиқарилишини қисқартириш бўйича янги келишувни муҳокама қилмоқдалар.