Кубадаги Гуантанамо қамоқхонасида маҳбуслар томонидан қуролли исён уюштирилиши оқибатида 6 киши ҳалок бўлган.

Рейтер агентлиги хабарида айтилишича, маҳбусларнинг бир неча нафари Калашников автоматларини қўлга киритишга муваффақ бўлган.

Исённи бартараф этиш учун ҳудудга қўшимча қуролли кучлар жўнатилган.

Бироз олдинроқ, Барак Обама 2016 йил учун мудофаа бюджетини қабул қилган, унда Кубадаги Гуантанамо қамоқхонасини ёпишга тақиқлов узайтирилганди.

Ноябрь ойининг иккинчи ярмида АҚШ Гуантанамодаги беш нафар маҳбусни БААга жўнатгани хабар қилинганди.

Ундан олдинроқ, АҚШ Гуантанамонинг 50 дан зиёд маҳбусини турли мамлакатларга жўнатишни режалаштираётгани маълум бўлганди.

Қамоқхона 2002 йилда кичик Жорж Буш даврида хавфли жиноятчиликда гумон қилинганлар учун ташкил этилган. Аммо ушбу лагер у ердаги гумондорларга нисбатан сўроқ қилишдаги куч ишлатиш усуллари ошкор бўланидан сўнг жамоатчилик томонидан норозиликка сабаб бўлди.