Telegraph: Париждаги терактлардан сўнг Бельгия яҳудийлари мамлакатни тарк этмоқда

Жаҳон 30 Ноябрь 2015 2166

Парижда ҳамда Европанинг бошқа ҳудудларида содир бўлган бир қатор қўпорувчилик ҳаракатларидан сўнг Бельгия ҳудудида истиқомат қилиб келаётган 45 минг яҳудийнинг кўпчилиги мамлакатдан кетиш имкониятини қидирмоқда, деб ёзади The Telegraph газетаси.

Бельгия сионистик уюшмасининг собиқ раҳбари Бетти Дан айни пайтда Бельгия унинг жамоаси учун хавфсиз эканлиги борасида жиддий шубҳаларини айтиб ўтди. Унинг сўзларига қараганда, портлашлар содир этилишдан сўнг унга ҳар ҳафта камида бир киши мурожаат қилиб, мамлакатни тарк этиш имкониятларини суриштирган. Аммо терактлардан сўнг бунда сўровлар кунига бештани ташкил қилмоқда.

“Бир неча йил муқаддам бундай сўров билан мурожаат қиладиганлар асосан нафақахўрлар эди, улар Исроил пойтахтида яшашни исташарди. Бугун бу болаларга эга бўлган ёш инсонлар, улар бу ерда ҳамма нарсани ташлаб, уйларини сотиб юборишга мажбур. Улар қўрқиб қолди”, - вазиятни тушунтирди аёл.

Дан хонимнинг ўзи ҳам яқин орада оиласи билан Тель-Авивга кетишни режалаштираётганини, аммо Бельгия унинг она ватани бўлгани учун бу қарор унга оғир келганини тан олди.

Яҳудий жамоаси етакчилари Бельгияда антисемитизмнинг (яҳудийларга нисбатан нафратнинг) ўсиб бораётганидан, бундай кайфиятлар асосан келиб чиқиши араб бўлган ёшлар орасида кучайиб бораётганидан огоҳлантирмоқда.

Ўтган ҳафта якунида Бельгия полицияси теракт хавфи боис кўчаларни назорат қилаётган эди. Ўшанда Иккинчи жаҳон урушидан буён биринчи марта яҳудий синагогаси шаббатда ёпилишга мажбур бўлди. Шу билан боғлиқ равишда Бельгия раввини Гиги Авраам “яҳудийлар уйларида ибодат қилмоқда, бу дегани уларнинг Европада келажаги йўқдир”, деб таъкидлади.

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 28842 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 64948 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 8154 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 125455 Жамият
Бекободнинг 2035 йилгача мўлжалланган  бош режаси: Шаҳар қандай кўринишда бўлади?
Зафар Рўзиев: Энди Қашқадарёда етиштириладиган пахтанинг ярмидан кўпи ўзимизда қайта ишланади
Алвидо Dodge Viper! Суперкарнинг энг ноёб намуналари
Афғонистонда толибларнинг етакчиларидан бири ўлдирилди
17:50 730 Жаҳон
Украинада Франциянинг 200 млн еврони ўзлаштирган фуқароси қўлга олинди
17:40 1087 Жаҳон
Ўзбекистон Республикаси Олий суди турли миш-миш хабарларга раддия берди
Кўпроқ янгиликлар