Ғарбий Африкадаги Буркино-Фасо мамлакатида президентлик сайлови ўтказилди ва унда Марк Каборе ғалаба қозонди. Бу ҳақда сайлов комиссияси маълумотларида келтирилган.

Рейтер агентлиги хабарига кўра, 2014 йилнинг октябрида Блэз Компаоренинг ҳокимиятдан ағдарилишидан кейин мамлакатни вақтинчаликка Буркино-Фасонинг БМТдаги элчиси Мишел Кафандо бошқариб турганди.

1960-йилларда мамлакат Франция мустамлакасидан озод бўлганидан бери президентлар давлат тўнтаришлари орқали ҳокимият тепасига келади. 1987 йилда Компаоре президентликка сайланган, лекин бу сайлов ўта шубҳали ўтгани қайд этилган.

Шу йилнинг сентябрида навбатдаги давлат тўнтарилиши амалга оширилган, лекин кўп ўтмасдан ҳарбий генерал Жильбер Дьендере ҳокимиятни қайта топширганди.