Улкан маҳсулот истеъмолини талаб қиладиган тараққиётнинг ғарб модели тақлид қилиш учун намуна бўла олмайди, чунки Ер ресурслари чекланмаган эмас, инсон яшаши мумкин бўлган бошқа сайёралар эса кашф этилганича йўқ. 30 ноябрь куни Парижда Иқлим бўйича БМТ Жаҳон конференциясининг очилиш маросимида сўзлаган Гана президенти Жон Махама шундай баёнот билан чиқди.

Унинг қайд этишича, ҳалигача сайёрамиз аҳолисининг катта қисми қашшоқлик шароитларида яшамоқда. “Агарда Хитой қисқа фурсатлар ичида ўзининг кўп сонли фуқароларини камбағаллик шароитидан чиқариб тарихий муваффақиятга эришган бўлса ҳам, Африка, Жанубий-шарқий Осиё ҳамда Жанубий Американинг алоҳида ҳудудларида кўпчилик одамлар ўта қийин шароитларда яшамоқда”, - деди Махама ўз нуқтида.

Шу билан боғлиқ равишда президент мазкур жамиятлар айнан иқтисодий ва энергетик тараққиёт моделини танлаши керакки, у инсониятни камбағаллик ҳолатидан чиқариб олиши ва Ердаги мўрт экологик мувозанатни барбод этмаслиги лозим. “Менга маълумки, ҳозиргача бизнинг Еримиздан бошқа бирорта ҳам инсон яшаши мумкин бўлган сайёра топилгани йўқ.

Замонавий ва ривожланган деб ҳисоблашимиз учун мақбул ҳаёт тарзини қўллаб-қувватлай оладиган Ер бизга яна қанча муддатга керак? Ғарб йўсинида яшаётган жамиятлардаги истеъмолнинг айни пайтдаги юқори даражаси бизнинг мамлакатимиз каби давлатлар учун намуна бўла олмайди”, - деди Гана президенти.