Истанбул шаҳридаги метро бекати яқинида юз берган портлаш йўл четига ўрнатилган бомба орқали юзага келгани ҳақда хабар пайдо бўлди. Бу ҳақда NTV телеканалида маълумот берилган.

Хабарда айтилишича, айни вақтда воқеа ҳудудида хавфсизликни таъминлаш чоралари кучайтирилган. Метрода поездлар, ҳудуддаги йўлларда автомобиллар ҳаракати тўхтатилган.

Воқеа ҳудудида ўт ўчирувчилар ва шифокорлар бўлиб туришибди.

Бироз олдинроқ, шаҳардаги метронинг Байрампошо бекатига олиб ўтувчи йўлакда порлаш юз бергани натижасида бир киши ҳалок бўлиб, яна бир киши жароҳатлангани ҳақида хабар қилинганди. Дастлабки маълумотларда трансформаторда портлаш содир бўлгани айтилганди.