Япония пойтахти Токио нуфузли “Мишлен” гиди томонидан тузиладиган ресторанлар рейтингининг энг юқори поғонасини эгаллади ва навбатдаги марта дунёнинг пазандачалик пойтахти деб топилди. Reuters ахборот агентлигининг маълум қилишича, Токио бу унвонга кетма-кет 9 марта лойиқ деб топилди.

“Токиода ресторанлар миқдори жуда улкан, таклифлар танлови жуда кенг”, деб айтди “Мишлен” гидлари халқаро директори Майкл Эллис. Унинг айтишича, бунинг барчаси япон мегаполисини юқори даражадаги пазандачилик учун ўзига тортувчи қилади.

“Мишлен” матбуот котибининг айтишича, бу йил Токионинг 217 та ресторани юлдуз олди (ўтган йили 267 та ресторан олган эди). Бу кўрсаткич барча дунё пойтахтлари орасида энг яхши кўрсаткич бўлди. Шу ресторанлардан 13 таси энг юқори баҳо – учта мишлен юлдузи билан тақдирланди.

“Мишлен”нинг биринчи ресторан гиди 1990 йили чоп этилган. Юлдузлар билан баҳолаш тизими 1920-йиллардан киритилган. “Мишлен” гиди ресторан бизнесининг “Оскар” мукофоти деб ҳам эътироф этилади.