Туркия парламенти депутатлари бош вазир Ахмет Довудўғлу ҳукуматига ишонч билдирди, деб хабар бермоқда Reuters ахборот агентлиги.

Таъкидланишича, Довудўғлу ҳукуматини қўллаб-қувватлашга 315 депутат овоз берган.  

Аввалроқ Туркия президенти Ражаб Тойиб Эрдўған янги вазирлар маҳкамаси таркибини тасдиқлаган эди.  1 ноябрда ўтказилган сайлов натижаларига кўра, Довудўғлу етакчилигидаги Туркия адолат ва тараққиёт партияси парламентда кўпчилик ўринни олган.