Хитой назорат органлари мамлакатда экологик вазиятнинг кескин ёмонлашиши туфайли корхоналарнинг зарарли чиқиндилар чиқаришини камайтириш устида иш олиб бормоқда. Бу ҳақда China Daily хабар берган.

Хитой Халқ республикаси Атроф-муҳит вазирлиги 2 мингдан ортиқ корхонани ёптирди. Шунингдек, Пекинда барча қурилиш майдонларида ишлар тўхтатилган.

Қайд этилишича, бу борадаги қарорлар ижросини таъминлаш мақсадида бир неча махсус гуруҳлар тузилган.

Бироз олдинроқ, Пекинда тутун туфайли экологик хавфнинг “тўқ сариқ” даражаси эълон қилинганди.