Ўзбекистон давлат жаҳон тиллари университетида 2015 йил - “Кексаларни эъзозлаш йили” муносабати билан профессор-ўқитувчилари учун байрамона дастурхон ташкил этилди.

Тадбирда иштирок этган ЎзДЖТУ ректори Шуҳрат Қаюмов олий таълим муассасасида кўп йиллардан буён меҳнат қилаётган устоз-мураббийлар фаолиятига тўхталиб ўтган ҳолда уларга самимий миннатдорчилик билдирди.


Университет Касаба уюшмаси ва “Камолот” ЁИҲ ҳамкорлигида ўтказилган байрам дастурхонида талабалар миллий рақс, саҳна кўринишлари ва бадиий чиқишларни устозларига совға тарзида тақдим қилишди.

Бадиий дастурлар сўнгида ўқув жараёнида ўзининг бой тажрибасини ёш ҳамкасбларига ўргатиб келаётган катта авлод вакилларига эсдалик совғалари топширилди.