10 ой давомида ИШИД жангарилари қўлида ҳибсда сақланган француз журналисти Николас Энен халқаро ҳамжамиятдан Сурияни бомбаламасликни сўрамоқда, дея ёзди The Guardian газетаси.

Унинг фикрича, бомбалаш – фақатгина ИШИДга фойда келтирадиган тузоқ. Бошқа мамлакатлар террористлар устидан ғалабага эришмоқчи бўлса, сурияликлар билан ҳамкорлик қилиши лозим, уларнинг юртини бомбардмон қилгандан кўра.
“Бу урушда янги ва қиммат қуролларга эга томон эмас, балки одамларни жалб қила оладиганлар ғалаба қозонади”, - деди журналист.

Энен сўзларига кўра, ИШИД жангарилари “параллел дунёда” яшашади. Унинг айтишича, жангариларнинг хуши ўзида эмас, улар яқин вақтлар ичида мусулмонлар ва 80та давлатдан иборат коалиция ўртасида қарама-қаршилик бўлиши ҳақидаги башоратга ишонишади.
Нашр маълумотига кўра, Николас Энен бошқа француз асирлари билан биргаликда 2014 йилда озод қилинган эди.