Қозоғистон президенти Нурсултон Назарбоев мамлакатга расмий ташриф билан келган Нидерландлар Қироллиги бош вазири Марк Рютте билан учрашди, дея хабар бермоқда Оқўрда матбуот хизмати.

Учрашув жараёнида савдо-иқтисодий, нефть-газ, қишлоқ хўжалиги, транспорт ва космик соҳалардаги ҳамкорликни мустаҳкамлаш масалалари кўриб чиқилди.
Томонлар халқаро кун тартибидаги муҳим маалалар юзасидан ҳам ўз фикр ва мулоҳазаларини алмашишди.

Қозоғистон президентининг сўзларига кўра, Нидерландия мамлакатга сармоя киритиш ҳажми бўйича Европа Иттифоқида энг биринчи ўринда туради.