Саудия Арабистони нефть олиш ҳажмларини қисқартиришни қўллаб-қувватлашга тайёрлигини маълум қилди

Жаҳон 03 Декабрь 2015 2790

Агар ОПЕКга аъзо ва унга кирмайдиган давлатлар, жумладан, Россия, Қозоғистон, Мексика ва Уммон нефть олиш ҳажмларини қисқартириш мажбуриятини ўз зиммасига олса, унда Саудия Арабистони ҳам буни қўллаб-қувватлашга тайёрлигини маълум қилди. Бу ҳақда Energy Intelligence нашрига иқтибос келтирган ҳолда РБК нашри маълум қилди.

Бунгача Саудия Арабистони нефть нархининг тушишидан зиён кўрган картелнинг бошқа аъзоларининг бундай чақириқларини инкор қилиб келаётган эди. “Нефть олишни камайтириш учун ОПЕКга кирмайдиган давлатлар, шунингдек Ироқ ҳам иштирок этиши керак. Эронда нефть олиш бўйича вазият ҳам равшан бўлиши керак”, деб айтди ОПЕК делегатларидан бири.

Energy Intelligence маълумотларига кўра, Саудия Арабистони кейинги йилда нефть олишни кунига бир млн баррелга қисқартиришни таклиф қилади, бу бутун дунёдаги бир кунлик умумий нефть олиш ҳажмининг деярли 1 фоизини ташкил қилади. ОПЕКга аъзо давлатлар улушига олинадиган нефтнинг 40 фоизи тўғри келади.

Шу билан бирга маълум қилинишича, кунига 30 млн баррелни ташкил қилувчи чеклов 18 ойдан бери ташкилот аъзолари томонидан ошириб келинмоқда. Агентлик маълумотларига кўра, ноябрда картель оладиган бир кунлик нефть ҳажми 32,12 млн баррелни ташкил қилган.

Агар бу масалада келишувга эришилса, унда қарор ташкилотнинг 4 декабрда Венада бўлиб ўтадиган навбатдаги йиғилишида эмас, балки кейинги йилда кучга киради, деб айтмоқда агентлик манбаси. 30 нафар таҳлилчининг прогнозларига кўра, ҳозирча картель бозордан рақобатчиларни сиқиб чиқариш учун нефтни аввалги миқдорда олишни давом эттираверади.

Кун янгиликлари
Судьянинг нохолислиги ёки давлат телеканалининг “шохи” борми?
19:21 / 17.08.2017 97709 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 47148 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 52070 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 9483 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 20261 Ўзбекистон
Яшнободда автомашина эшигини сих орқали очиб, 1500 долларни ўмарган шахс ушланди
02:51 970 Жамият
Самарқандда жисмоний имконияти чекланган ёшлар билан очиқ мулоқот ташкил этилди
02:50 372 Жамият
«Барселона» Ла Лиганинг 1-турида теракт қурбонлари хотираси учун махсус либосда майдонга тушади
01:43 1504 Спорт
Оқдарёда электр таъминоти корхонасининг порахўр раҳбари ва таъмагир врач қўлга тушди
01:36 2137 Жамият
Бразилия полицияси мавжуд бўлмаган спортчиларда пул қилган гуруҳни аниқлади
00:50 933 Жаҳон
Кўпроқ янгиликлар