Тошкент шаҳрида декабрь ойи бошидан 1-автобус йўналишидаги автобуслар "Пахтакор" метросигача қатнаши йўлга қўйилди. Бу ҳақда "Тошшаҳархизмат"га асосланиб, "Газета.уз" хабар тарқатган.

“Тошшаҳартрансхизмат” АК жорий йилнинг 1 августидан эътиборан “Тошкент трамвайи” Унитар корхонасига тегишли, Қўйлиқ марказидан ТТЗгача бўлган йўналишда қатновчи 13 трамвайнинг “Тошкент” вокзалидан ТТЗгача бўлган қисми қисқартирилишини маълум қилган эди.

Ўшанда 13-сонли трамвай йўналишини такрорловчи автобус йўналишларидан бири, «Югнакий даҳаси — Марказий универмаг» оралиғи бўйлаб қатнайдиган 1-автобус йўналиши қисқартирилган ва бу йўналишдаги 10та автобус «Югнакий» даҳасидан «Машинасозлар» метро бекатига қадар ҳаракатланиши белгиланганди.

Энди бу йўналишдаги автобуслар яна Марказий универмаг бўйлаб юради ва "Пахтакор" метро бекатигача боради.

Компания бу йўналишга Mercedes-Benz русумли автобусларни қўйишни режалаштирмоқда. Айни вақтда бу йўналишда Isuzu русумли автобуслардан фойдаланилади.