Яқин беш йил ичида Қозоғистондаги барча уйлар иссиқлик ҳисоблагичлари билан таъминланади. Бу ҳақда миллий иқтисодиёт вазирлиги қошидаги табиий монополияларни назорат қилиш ва рақобатни ҳимоя қилиш қўмитаси раиси Серик Жумангарин маълумот берди.

“Энергия тежаш мақсадларида тегишли механизм ишлаб чиқилган бўлиб, у ҳисоб-китоб ускуналаридаги хизмат ҳажмини назорат қилиб боришга ёрдам беради. Бу иш яқин 5 йил ичида якунланиши режалаштирилмоқда. Бугунги кунда мамлакатда бундай ускуналар билан таъминланганлик 43.6 фоизни ташкил қилади. Остонада бу кўрсаткич 99.84 фоизга тенг”, - деди у марказий коммуникациялар хизматида ўтказилган брифинг чоғида.