Лондон метросининг Лейтонстоун станциясида бир эркакнинг йўловчиларга ҳужум қилиши оқибатида 3 киши жабрланди, деб хабар бермоқда Reuters ахборот агентлиги.  

Полиция маълумотларига кўра, жабрланганлардан бири жиддий, яна икки киши ўрта оғирликдаги жароҳатлар олган. Ҳуқуқ-тартибот муассасалари вакили ОАВларнинг босқинчи қўлга олиниши пайтида “Бу Сурия учун” деб ҳайқиргани ҳақидаги маълумотларга изоҳ беришдан бош тортди.

Аввалроқ Британия полицияси Лейтонстоун станциясидаги ушбу ҳужумни теракт сифатида талқин қилинганини маълум қилганди.  

ОАВларда маълум қилинишича, босқинчи “Бу Сурия учун” деб бақириб, метродан чиқиш жойида йўловчиларга узун пичоқ билан ҳужум қилган.