Ҳиндистоннинг шимолий ҳудудларида Тожикистонда рўй берган ер тебраниши таъсири сезилди. Хусусан, мамлакат пойтахти Нью-Дели ва шу ном билан номланган штатда ҳам зилзила таъсири қайд этилган. Бу ҳақда NDTV телеканали твиттерида маълум қилинди.

Шунингдек, Жамму ва Кашмир штатлари аҳолиси зилзилани сезишган. Жабрланувчилар ҳақида маълумот йўқ.

Бугун, 7 декабрь куни, Тожикистонда кучли ер силкиниши кузатилди.

Европа Ўрта Ер денгизи Сейсмология маркази хабарига кўра зилзила магнитудаси 7,2 баллни ташкил этган. Зилзила ўчоғи 10 км чуқурликда бўлган.

Бу зилзила, Тошкент вақти билан соат 12:52да Ўзбекистон вилоятларида ҳам сезилган. Турли ҳудудларда ер силкиниши кучи 2 баллдан 4-5 баллгача бўлган.

Қурбонлар ва вайроналиклар ҳақида ҳозирча маълумот берилмади.