Тожикистонда зилзила туфайли 8 киши жароҳатланиб, шифохонага ётқизилди

Жаҳон 07 Декабрь 2015 5878

Тожикистоннинг Бадахшон автоном вилояти маркази бўлмиш Хорог шаҳридаги шифохонага 8 киши бугун рўй берган зилзиладан жабрланган 8 киши олиб келинган. Бу ҳақда ТАСС ахборот агентлиги Тожикистон ФВҚ матбуот хизмати бошлиғи Ориф Нозимовга асосланиб, хабар берган.

"Ҳудудда 6,7 балли зилзила рўй бериши натижасида ўнлаб юйлар зарарланган, Хорог шаҳри ҳокимияти биносига ҳам шикаст етган. Бундай оқибатлар Тоғли Бадахшон вилоятининг Мурғоб ва Ванчск туманларида ҳам кузатилган", дейилади хабарда.

Айни вақтда махсус комиссия тузилиб, фалокат оқибатларини ўрганиш ва зарар миқдорини аниқлаш бўйича иш олиб борилмоқда.

Эслатиб ўтамиз, бугун, 7 декабрь куни, Тожикистонда магнитудаси 7.2 балга тенг кучли зилзила содир бўлди. У қўшни Ўзбекистонда ҳам акс садо берди: Тошкентда, Фарғона водийси ва Қашқадарёда 3.5-4 балли силкинишлар қайд қилинди.

Аниқланишича, зилзила маркази Тоғли Бадахшон мухтор вилоятининг Мурғоб туманида, Сарез кўлига анча яқин ҳудудда содир бўлган.

Кўпроқ янгиликлар