2015 йил ноябрь ойида Хитой ташқи савдоси ҳажми 2014 йилнинг шу даврига нисбатан 4,5 фоизга камайиб, 2,16 трлн юан($337 млрд)га етди. Бу ҳақда ХХР Бош божхона бошқармаси хабар қилди.

Бунда ноябрь ойида Хитой экспорти ҳажми 3,7 фоиз - 1,25 трлн юан ($195 млрд)гача, импорти эса 5,6 фоиз - 910 млрд юан($142 млрд)гача қисқарди.
Январь-ноябрь ойларида Хитой ташқи савдо айланмаси йиллик ҳажмда 7,8 фоизга қисқариб, 22,08 трлн юан ($3,45 трлн )ни ташкил этди.

Жорий йилнинг 11 ойи давмида ХХР экспорти ҳажми 2,2 фоизга камайиб, 12,71 трлн юан($1,98 трлн)дан иборат бўлди. Худди шу даврда импорт миқдори 14,4 фоизга пастлаб, 9,37 трлн юан ($1,46 трлн)га етди.