Қирғизистоннинг Ўш вилояти чегара зонасида ҳарбий хизматчилар томонидан ноқонуний фотосъёмка олиб борган Япония фуқароси қўлга олинди.

Чегара хизмати матбуот бўлимининг маълум қилишича, у чегарани ноқонуний кесиб ўтишда ҳам айбланмоқда. 1981 йили туғилган шахс Чўн-Олой тумани Қоратайит қишлоғи ҳудудида қўлга олинган бўлиб, у Қозоғистондан туристик мақсадларда Қирғизистонга келганини маълум қилмоқда.

Тегишли ҳужжатлар расмийлаштирилгач, у миллий хавфсизлик қўмитаси ҳудудий бўлинмаси ихтиёрига топширилди.