Самарқанддаги кўплаб савдо нуқталарида ностандарт шахмат тахталари сотилмоқда. Бу ҳақда nuz.uz фотомухбири Солех Яхьяев хабар қилмоқда. Унинг маълум қилишича, сотувчилар мазкур шахматлар Хитойда ишлаб чиқарилганини айтишган.

“Улар қаерда ишлаб чиқарилмоқда ва бу каби сифатсиз маҳсулотлар Ўзбекистонга қандай йўллар орқали кириб келмоқда? Оддий харидор уларнинг кўпчилигида фойдаланиш йўриқномаси ва ишлаб чиқарувчи ҳақида ахборот берадиган варақалар йўқлиги сабабли буларни аниқлаши қийин”- дейди муаллиф.

Унинг фикрича, маълумотларга эга бўлмаган харидор бундай шахматларни сотиб олар экан, ўз бюджетидан анчагина маблағ йўқотади. Чунки ушбу шахматлар тахталари ёки жамланманинг нархи 9 минг сўмдан 50-60 минг сўмгача боради.

ФИДЕ ҳаками, Ўзбекистон шахмат федерациясининг Самарқанд вилоят бўлими раҳбари Абдуваҳоб Воҳидовнинг таъкидлашича, аслида шахмат доскасидаги h1, a8 катакларининг ранги қора бўлиши керак. Шунингдек, бундай тахталарда алфавит ва рақамлар жойлашуви ҳам нотўғри жойлаштирилган.