Тошкентда сил касаллигининг олдини олишга бағишланган анжуман бўлиб ўтди

Жамият 10 Декабрь 2015 950

10 декабрь куни пойтахтимизда сил касаллигининг олдини олиш, уни барвақт аниқлаш ва даволашнинг замонавий йўналишларига бағишланган анжуман ўтказилди.

Анжуманда Ўзбекистон соғлиқни сақлаш вазири А.Алимов, Жаҳон соғлиқни сақлаш ташкилотининг мамлакатимиздаги ваколатхонаси бошлиғи вазифасини бажарувчи О.Гўзалов, АҚШнинг Ўзбекистондаги элчиси Памела Л. Спратлен, шунингдек, 90 нафардан зиёд шифокор-фтизиатрлар, лаборатория мутахассислари, соғлиқни сақлаш муассасалари раҳбарлари ва тиббиётга ихтисослашган таълим муассасалари педагоглари иштирок этди.

Ялпи йиғилишда Жаҳон соғлиқни сақлаш ташкилоти, Европа супра-миллий референс-лабораториялар, Чегарасиз шифокорлар ва Management Science for Health мутахассислари ўз маърузалари билан қатнашди.

Ўзбекистон Миллий ахборот агентлигининг хабарига кўра, жойларда силни барвақт аниқлаш бўйича махсус лабораториялар ташкил этилиб, замонавий тиббий таҳлил воситалари билан жиҳозланди. Бугунги кунда тиббий текширувлар хасталикни эрта аниқлаш ва даволаш имконини бермоқда.

Ана шундай тизимли ишлар натижасида кейинги йилларда мамлакатимизда сил билан касалланишни қирқ фоизга, ўлим кўрсаткичини етмиш фоиздан кўпроқ камайтиришга эришилди. Халқаро экспертлар силга ташхис қўйиш ва даволаш бўйича мамлакатимиз эришаётган ютуқларни, бу йўналишда орттирилган миллий тажрибани алоҳида эътироф этмоқда.

Кун янгиликлари
Абитуриент ҳикояси: “Мен ўқув маркази томонидан алдандим”
10:34 / 20.08.2017 29205 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 42122 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 158132 Жамият
Кун.uz офис изламоқда
15:48 / 06.08.2017 44870 Lifestyle
Ҳафта дайжести: 50 минг сўмлик пул, мактаб формаси, бепарво МИБ, қотил ушланди, кирилл-лотин машмашаси, Барселонадаги теракт...
00:16 88 Жаҳон
Бундеслига. «Боруссия» М ғалаба қозонди, «Айнтрахт» дуранг ўйнади
00:13 1 Спорт
Эрдўған Ғарбнинг Яқин Шарқдаги сиёсатини танқид остига олди
00:02 228 Жаҳон
RAMADA меҳмонхонасида Ҳинд таомлари фестивали ўтказилди
23:52 / 20.08.2017 150 Жамият
Видео: Моғор организмингизга тушса, нима бўлади?
23:32 / 20.08.2017 2623 Lifestyle
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 2559 Жамият
Кўпроқ янгиликлар