Сингапурда кейинги йилда фойдаланишга топширилиши кутилаётган бошқарувчисиз автомобиллар синовининг якуний босқичи бошланди. Бу ҳақда республика транспорт вазирлиги маълум қилган.

Айни дамда ушбу тарнспорт воситаси илмий марказлардан бирида ва “Кўрфаздаги боғ” сайёҳлик марказида синовлардан ўтмоқда. Орадан бир қанча ҳафта ўтиб эса, уни сайёҳлик оролларидан бири Сентосда синовдан ўтказишади. Кейинги йилнинг март-апрель ойларидан бошлаб, у шу ердаги қатновларнинг асосий воситаси бўлиши назарда тутилмоқда.

Дастлаб у бир нуқтадан иккинчи нуқтага ҳаракатланади. Сўнг автомобиллар кам ва йўловчи йўлаклари кўп бўлмаган йўлларда қатнашни бошлайди. Орадан 3-4 ой ўтиб эса эса “анаънавий” автомобиллар қатновчи йўлларда ҳаракатлана бошлайди.