“Даракчи” газетасининг мухлисларидан бири таҳририятга мурожаат қилиб, 3 ёшли қизига АКДС эмланишини рад этганини, шунда поликлиника терапевти бола катта бўлганида мактабга қабул қилинмаслигидан огоҳлантирганини айтди. Ушбу мурожаат юзасидан Соғлиқни сақлаш вазирлиги санитария-эпидемиология Бош бошқармаси мутахассиси Дилором Турсунова ўз изоҳларини берди.

“Ўзбекистон Республикасида жорий этилган эмлаш тақвимига биноан 12 турдаги инфекцияларга қарши эмлаш олиб борилади, - маълум қилди у. – Булар кўкйўтал, бўғма, қоқшол, В вирусли гепатит, қизамиқ, полиомиелит, сил, бактериал менингит ва пневмакокк”.

Унинг таъкидлашича, вакциналар айрим болаларда реакция бериб, умумий аҳволнинг оғирлашиши, ҳароратнинг кўтарилиш каби ҳолатларга сабаб бўлишига қарамай, уни олиш зарур.
“Агар сизнинг қизингиз соғлом бўлса, керакли инфекцияга қарши эмлатганингз маъқул, - таъкидлади мутахассис. – Бундай болаларни мактабга олмаслик ҳақида расмий қарор мавжуд”.