Россиянинг Воронеж вилоятидаги руҳий касалликлар интернатида ёнғин юз бериши туфайли камида 21 киши ҳалок бўлган. Бу ҳақда Россия Фавқулодда вазиятлар вазирлигидаги манбасига асосланиб, РИА Новости хабар тарқатган.

Ёнғин рўй берган ҳудуддан 19 кишининг жасади топилган, яна 2 киши шифохонада жон берган.

Шунингдек, ёнғин туфайли турли даражадаги куйиш жароҳатлари олган ва газдан заҳарланган 22 киши шифохонада қолмоқда.

Яна икки кишининг тақдири номаълум.

13 декабрга ўтар кечаси Алферовка қишлоғидаги ушбу диспансерда ёнғин чиққан ва 600 кв м майдонни қамраб олган.

Ҳудуддан 57 киши эвакуация қилинган. Бир қаватли ғиштин бино бутунлай ёниб кетган.
Айни вақтда ушбу ҳодиса сабаблари ўрганилмоқда.