Россиялик хонанда Стас Михайлов Кишинёвнинг “Коммуналка” ресторанини харид қилди ва эндиликда ушбу франшиза остида Россияда ресторанлар тармоғини ташкил этмоқчи. Бу ҳақда Молдованинг “Лого-пресс” газетасига таянган ҳолда Интерфакс агентлиги хабар бермоқда.

Айтилишича, россиялик санъаткор брендни 2 млн еврога ўзига тегишли SM Group компанияси орқали харид қилган. У Россия ҳудудида 50та ресторан очмоқчи, бу лойиҳа реализациясига эга 25 млн евро талаб қилинади. Биринчи ресторан 2016 йил февралида Санкт-Петербургда очилади.

“Коммуналка” Кишинёвда 2014 йил мартида очилган бўлиб, совет даври коммунал хонадонлар дизайнига яқин винтажли интерьер туфайли тез орада машҳурликка эришди.