Таиланд қироли Пхумипон Адульядет соғлиги ёмонлашгани ҳақидаги миш-мишлар тарқаганидан узоқ танаффус ўтиб, яна телевидение орқали кўриниш берди. Бу ҳақда Associated Press ахборот агентлиги хабар тарқатмоқда.

Маҳаллий телевидениенинг асосий телеканалидаги кечки янгиликлар дастури пайтида қирол кичик сюжетли лавҳада кўриниш берган.

Пхумипон душанба куни Бангкокдаги шифохоналардан бирида судьяларнинг қасамёдини қабул қилган. Сўнгги 6 йил давомида у умрининг аксар қисмини айнан шифохоналарда ўтказмоқда.

Эслатиб ўтамиз, олдинроқ, Таиланд қироллиги қиролнинг соғлиғи билан боғлиқ муаммолар борлигини маълум қилганди. Унга бош мияда сув йиғилиши ташхиси қўйилган.