Ҳукумат қарорига асосан Абдушукур Содиқов Андижон давлат тиббиёт институтининг янги ректори этиб тайинланди.

41 ёшли Содиқов 2013 йилнинг июнь ойидан ҳозирги вақтга қадар Соғлиқни сақлаш вазирлиги назорат инспекцияси бошқармаси бошлиғи лавозимида ишлаб келганди.

Тошкент давлат тиббиёт институтининг битирувчиси 2004 йилда номзодлик диссертациясини ёқлаган. 2005-2006 йилларда Тошкент тиббиёт академиясида ассистент, 2006 йилдан шу даргоҳда доцент лавозимида ишлаган. 2010 йилдан 2013 йилнинг июнига қадар Соғлиқни сақлаш вазирлиги назорат инспекцияси бошқармаси бошлиғи ўринбосари лавозимида фаолият юритганди.

Олийгоҳнинг олдинги ректори саналган Алишер Шодмонов ҳозирги вақтда Олий Мажлис Қонунчилик палатасининг таълим, фан маданият ва спорт масалалари Қўмитасига раҳбарлик қилиб келмоқда.

Андижон давлат тиббиёт институти 1955 йилда ташкил топган. Даргоҳда ҳар йили 440-450 нафар шифокор битирувчилар етишиб чиқади.