Россиянинг Екатеринбург шаҳрида 47 ёшли «шифо улашувчи» қирғизистонлик фуқаро қўлга олинган. Бу ҳақда Свердлов вилояти ички ишлар бошқармаси матбуот хизматига асосланиб рус нашрлари хабар тарқатмоқда.

Манбанинг ёзишича, аёл 2014 йилда қизи билан Екатеринбургга ташриф буюрган Верх-Исетск туманида яшай бошлаган. У турли йўллар билан 9 нафар нафақахўрнинг 1,3 миллион рубль маблағини ўзлаштириб олган.

Ҳуқуқ тартибот идоралари қирғизистонлик аёлни фирибгарликда айбдор деб топиб, беш йил муддатга озодликдан маҳрум қилган ва унга 15 минг рубль миқдорида жарима ҳам белгилаган.