ОАВ нега никоҳ ёшига етмаган қизларнинг тўйлари тўхтатиб қолинаётганини тушунтирди

Жамият 16 Декабрь 2015 5983

“Оила даврасида” газетаси яна бир бора эрта турмуш қуришнинг зарарли томонларига тўхталиб ўтди. Янги материалда бу соҳада бошқа давлатларнинг тажрибаларига ҳам тўхталинди.

“Бугун юртимизда ёшларнинг барвақт оила қуришига йўл қўймасликка нега бу даража катта эътибор қаратилаётганининг сабабини ҳаммамиз ҳам тушуниб етяпмизми? Атрофга қарайлик: фалон вилоятда никоҳ ёшига етмаган қизнинг тўйи вақтинча тўхтатиб қўйилди, фалон шаҳарда фалонча эрта никоҳнинг олди олинди, деган ахборот-маълумотларнинг аслида қай даражада аҳамиятли эканини ҳис қиляпмизми?”, - деб ёзади мақола муаллифи.

Унинг таъкидлашича, ўзбек халқи ўғил фарзандларини оилалик қилишга кўп шошилмагани билан, қизларини имкон қадар эртароқ узатишга ҳаракат қилади. Бунинг оқибатида ҳали турмушга тайёр бўлмаган қизлар бебахт бўлиши ҳолатлари кузатилади. Натижада ота-оналар орзу-ҳавасни деб ёшларнинг умрини хазон қилгани қолади.
“Тенги чиқса, текинга бер”, деган оилалар ўртасидаги ижтимоий мувозанатни сақлашга ишора қилувчи ажойиб мақол нотўғри талқин қилинади: гўё, қиз боланинг тенги чиқса, никоҳ ёшига етишини кутиб ўтириш шарт эмасдай”, - таъкидлайди муаллиф.
“Никоҳ ёшини белгилашда ҳар бир давлат ўз миллий шарт-шароити, ҳудудий ўзига хослиги, аҳолининг никоҳга муносабати ва репродуктив ҳолатидан келиб чиқиб, ижтимоий-иқтисодий тараққиёт, тарихий-миллий анъаналарига мувофиқ равишда иш юритади ҳамда бу қонун ва қонуности ҳужжатларида ўзининг ҳуқуқий аксини топади, — дейди бу борада халқаро тажрибани ўрганган олима, психология фанлари доктори Васила Каримова. — Аксарият давлатларда никоҳ ёшини йигит ва қиз учун бир хил этиб белгилаш мақсадга мувофиқ, деб ҳисобланар экан”.

Маълумот берилишича, никоҳ ёши ҳар давлатда ҳар хил. Масалан, АҚШ, Австрия, Бельгия, Болгария, Бразилия, Дания, Канада, Мексика, Миср, Россия, Туркия, Финляндия каби давлатларда никоҳ ёши 18 ёш деб қонунан белгиланган. Япония ва Жанубий Кореяда — 20, Аргентина ва Малайзияда эса 21 ёш никоҳдан ўтиш учун расман рухсат этилган давр ҳисобланади.

Ўзбекистонда никоҳ ёши қизлар учун 17, йигитлар учун эса 18 ёш этиб белгиланган.
“Бироқ бу йигит-қизлар шу ёшга етганда уларнинг албатта бошини иккита қилиб, уйлантириш керак, дегани эмас, - тушунтиради журналист. – Бу ёш чегаралари йигит-қизларнинг никоҳга кириши учун расман рухсат этилган энг қуйи чегарасидир, холос”.

Кун янгиликлари
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 / 21.08.2017 20604 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 49589 Жамият
Келажак мевалари: фарғоналик бемор онанинг икки нафар норасида фарзандига ёрдам қўлини чўзайлик
23:59 / 21.08.2017 3026 Жамият
Барселоналик террорчини йўқ қилишда синчков аёл ёрдам берди
23:57 / 21.08.2017 1668 Жаҳон
Шимолий Кореяга қочиб кетган охирги америкалик ҳарбий вафот этди
23:34 / 21.08.2017 3419 Жаҳон
Хитой хорижий инвестицияларга чеклов жорий қилди
23:08 / 21.08.2017 2021 Жаҳон
Дайжест: Самарқандда ҳокимлар алмашинуви, гўшт импорти учун имтиёз, Асакадаги заводда танаффус ва куннинг бошқа хабарлари
22:59 / 21.08.2017 3109 Жаҳон
Қозоғистонда ўзбек автомобиллари ишлаб чиқарилиши кенгайтирилиши мумкин
22:48 / 21.08.2017 3246 Технология
Лотин алифбосидан кимлар қўрқади?
22:45 / 21.08.2017 4739 Жамият
Президент 2017 йилда ғўза дефолиациясини ўз вақтида ва самарали ўтказишга доир қарорни имзолади
22:37 / 21.08.2017 4357 Ўзбекистон
Кўпроқ янгиликлар